Somera Esperanto-Programado: la unua Esperantuja kodummaratono

Projektoj

Laŭ la kutimo de hackathon (kodummaratono), unue oni elpensas projekton, kiu kongruas kun la temo de la aranĝo kaj pasigas reston de la tempo prilaborante ĝin. Fine de la evento oni havas funkciantan aŭ eĉ finan version kaj prezentas ĝin al aliaj.

Konsiderante, ke tio estas la unua kodummaratono okazanta ene de Esperantujo, la temo estos ĝuste Esperantujo.

Ne estos limigo pri programoj, teĥnikoj aŭ manieroj por atingi la rezulton. Jes, vi legis ĝuste, vi povos uzi C++, HTML5, Ruby (por la mojosuloj), Python, vektoran grafikon, kaj se vi kuraĝas eĉ Microsoft Paint. Senlime lasu vian kreemon flugi en ĉiujn direktojn kaj elpensi ion, kio florigos nian mondon, ĉu via projekto estos utila retpaĝo por serĉi Esperantajn flagojn ĉe forumoj, grafikaĵoj uzeblaj por reklami kursojn kaj presi sur T-ĉemizojn aŭ programo, kiu generas hazaradajn Esperantajn konversaciojn.

Niaj proponoj

Komence de aprilo ni diskonigos tri niajn proponojn por la projektoj por la aranĝo. Se vi havus ideon, kiun vi ŝatus vidi en la listo, sciigu nin!


Organizanto

E@I

Partneroj

UEA ESF
Aliĝi nun