Somera Esperanto-Programado: la unua Esperantuja kodummaratono

Aliĝi

Ĉu vi programas, grafikumas aŭ kodumas? Ĉu vi volas sperti mojosan semajnon kun aliaj spertuloj? Ĉu vi pretas krei, plibonigi aŭ realigi programon, retejon aŭ ludon kiu samtempe utilus aŭ rilatus al Esperantujo? Ne hezitu kaj aliĝu nun!

SEP okazos dum SES (Somera Esperanto-Studado) en Nitra (Slovakio) de la 12-a ĝis 20-a de julio 2019. Matene (9:00–13:00) estos programado kaj posttagmeze oni povos ĝui la SES-an programon. Ni havos ses tagojn kaj vi havos ŝancon prezenti vin kaj vian projekton komence kaj poste denove montri la rezulton de viaj klopodoj fine de la evento. La celo estas havi funkciantan produkton por utiligi aŭ plibonigi postaranĝe.

Por aliĝi al SEP, bonvolu uzi la aliĝilon de SES kaj elektu en la sekcio “Lernado” la eblon “Neniu kurso – mi partoprenos en Somera Esperanto-Programado”.. Vi estos aŭtomate sendita tien alklakante la butonon “Aliĝi”, kiu troveblas fluganta dekstre.

Ekranbildo de la aliĝilo de SES
Kiel aliĝi al SEP

Eblo subteni vian partoprenon

Ĉu vi ŝatus veni, sed via financa stato ne estas momente tre pozitiva? Ĉu vi povus pli facile partopreni la eventon, se vi ricevus rabaton por la evento? Tiukaze ni havas bonan novaĵon por vi: UEA kaj ESF subvencias la aranĝon per 2×500 €! Tiun sumon ni volus dividi inter malpli pagipovaj partoprenantoj. Ni pretas kunfinanci pere de ĝi partoprenon de 10 el vi, po 100 € por ĉiu.

Se vi mem bezonas la subtenon, bv. kontakti nin ĉe sep@ikso.net laŭ la subaj kriterioj:

  1. La kandidato sendu koncizan motivleteron ĝis la 30-a de aprilo 2019 je 12:00 (laŭ mezeŭropa hozono) al sep@ikso.net kun la titolo “Subvencipeto por SEP 2019”.
  2. La kandidato partoprenu plentempe la aranĝon kaj minimume 85% de la SEP-programo.
  3. Prioritaton havas nepagipovaj partoprenantoj.

Rim.: Eble ankaŭ aliaj organizoj/unuopuloj emos estonte subteni la aranĝon (kaj iĝi partneroj/sponsoroj – tiukaze ni povos proponi eĉ pli da rabatoj por la kodemuloj! (Se eble eĉ iu el vi emas subteni la eventon, bv. skribi al ni ĉe sep@ikso.net por priparoli la detalojn.) Novaj utilaj retaj projektoj povas naskiĝi ankaŭ danke al via helpo! Anticipan dankon!


Organizanto

E@I

Partneroj

UEA ESF
Aliĝi nun